هذة القصيدة كتبتها في لحظة ما..

قررت نثرها بين أيديكم لأرى نقدكم ..

لست شاعرة ولكن .. حين تضيق بي الدنيا أجد أن بعض الكلمات خرجت من أعماقي ..

أترككم مع هذه الكلمات ..


في غيبتك كل هالعالم هجرني
وأصبحت في دنيتي كني غريبة

احترت اسأل قلبي وهو عنك يسألني
وتنزل الدمعة من عيني أليمة

كنها نار على خذي وتحرقني
طاحت وهي تدور يدٍ رحيمه

أناظرها وهي كنها تعاتبني
تأنبني .. إنت وش سويتي من جريمة؟

قلت أنا والله أبيه دوم ما يفارقني
لاتصيري إنتِ وهو علي خليكِ حليمة

روحي قولي له إني عنه مقدر استغني
وإن حياتي بدونه صارت حيل أليمة

ماذقت طعم النوم ولا في أكلي متهني
قولي له والله محبته في قلبي عظيمة

وإن كان ناوي يبعد بسكات ويفارقني
ترى والله ما عدت اتحمل ظليمة

لا تضغطي عليه وخليه بكيفه يذبحني
إن قال أبيها أو خلاني له غريمة

المهم إذا ناوي يتركني يصارحني
أنا بصبر ولأجل عينه تكرم مدينة

وسلامتـــــــــــــــكم ،،،

صح لسانك ننونه

وربي كلمات رائع

حسن في اختيار الكلمات

وجمال في الاسلوب

ربي يعطيكي العافية

صح بدنك أخوي

نورت الصفحة بمرورك الأروع

الله يعافيك ويخليك

تقبل احترامي

عزيزتي ننونة
إحساس صادق
وكلمات جزلة
ومع الإستمرار في قراءة و كتابة الشعر
ستصبح قافيتك أعمق وأجزل
وأوزانك مصقلة وبراقة كروعتك
لاتحرمينا جديد تميزك
تقديري واحترامي

نقاء الروح

يسعدك ربي على كلامك الحلو

رفعتي معنوياتي

أساساً يا قلبي أنا ما اكتب شعر

بس لمن يضيق صدري يصير كذا

وترى هذي أطول شيء كتبته

عادةً ما تزيد عن ثلاثة أبيات أو أربعة

عموماً

ربي يعطيك العافيه ويوفقك يا عسل أبيض

منورة الموضوع بطلتك

تقبلي احترامي

بس اثنين نفر سوي ردي

أبي أسمع انتقاداتكم !

ليه حارميني

الله يـسامحكم




أبي أسمع نقدااااااااااااااااااااااااااتكم

يا شريرين ،،

كلمات اكثر من رائعه

يعطيك العافيه ننونه
ابحرت معك
الله يقرب لك كل عزيز
اتمنى لك التوفيق

تحياتي

يسلمو غربة الليل

الله يعافيك ويسلم عمرك

آمين .. ومن قال يارب

تقبل احترامي

يعطيك العافية
وتسلم يديك
وكل الشكر والتقدير لك
كلمات رائعة
ودامها من إحساسك الصادق صدقيني روعه
وأعذريني ما أعرف أنتقد القصائد
مودتي

يسعدك ربي يا عيني

يكفيني مرورك وردك على الموضوع

الله يعافيك ويسلم قلبك

تقبلي احترامي