وعليكم السلام ورحمة الله وبركاته
لما شفت موضوعك ابتسمت .. حسته انا
انا مااعرف اطبخ ابببببدا حتى رز ابيض عمري ما عملته حدودي اندومي وسندوتشات
وسلطات ..
بس في نيه اتعلم في دي الاجازه ان شالله <<

المشكله كلها اني اخاف من منظر اللحم وهوا ني مااقدر اشوفه
اما الدجاج والسمك ماقدر امسكه خخخ مره لزجين استغفر الله ..


اممممم على فكره بنت عمي واختي اتزوجو وهما ميييييح في التبخ مره ما يعرفو يعملو شي ودحين احسن طباختين ماشاالله تبارك الله..

اما من ناحية انه ما اتعلم عشان بعدين في شغاله حتطبخ عني مره لا .. بسراحه ماحب اكل من ايد الشغاله.. كيك حلا شي خفيف ممكن اما اعتماد كلي عليها في الطبخ لا


ودا السؤال اتركه للشباب والمتزوجات

يسلموو ع الموضوع الحلو << نشر غسيل ^_^

ميييييين جاب سيرتي تحشو فيا وانا مو هنا

والله موضوعك حوسه يابن عباد
انا اول وحدة ما اعرف غير كيكة وحدة بس ههههههه
ولا حتى رز حتى لما حاولت خبصت الدنيا وانطرت من المطبخ وقالتلي ماما مالك دخله نبغى نتغدى زي الناس <<<< مسكينه

بصراحة من الغلط ان اختيار تقييم البنت يكون على اساس عدد الطبخات الي تتقنها
في معايير اهم من اتقان الطبخ لازم يكون في البنت
يعني شخصيتها وتفكيرها اهم لانها هيا الي بتربي الاولاد وهدي اشياء تاخد وقت أطول في اكتسابها اذا ما كانت متوفرة في البنت
اما الطبخ شي ممكن البنت تتعلمه في وقت أقصر ويقدر الشاب يتحمل شوية الين تتقن الطبخ
مو زي الطباع ولااخلاق والتفكير والالتزام بالدين انا برأي ان الاختيار لازم يكون على دا الاساس


ومرسي على موضوعك
تحياتي

بن عباد انا ما اشوف ان التبخ كل حاجه
بس مااعرف لانه يختلف من زوج لزوج
ويسلموو..^_^